2020年5月26日星期二

保護資產速換美元


李綺玲

2017年3月28日 星期二

林鄭月娥當選下屆特首之後,《明報》李先知專欄文章指出:「有建制人士表示在『兩會』後已經有指中央對王冬勝任財政司長開綠燈,亦流傳即使他曾為曾俊華向中央呈交有意參選特首的信件,仍然得到中央信任。」[1]







王冬勝喺一四年底已經建議業界研究人民幣全面取代港元嘅可行性,「稱有三個方向可以研究,包括港元跟美元脫勾,完全自由浮動;港元與人民幣掛勾(若人民幣將來可自由對兌);以人民幣完全取代港元。他表示,對何種方向未有傾向,希望業界研究討論。」[2]其實業界亦無從討論,因為以人民幣取代港元,似乎係中共國策。自一三年以來,中共嘅「國務院」已多次討論,而且有埋時間表,預計喺二零年就可以推行。[3]外間可以討論啲咩呢?所以王冬勝話「對何種方向未有傾向」只係幫自己戴定頭盔。實際上冇討論空間,亦唔見業界會嘥時間去討論。


稱有三個方向可以研究,包括港元跟美元脫勾,完全自由浮動;港元與人民幣掛勾(若人民幣將來可自由對兌);以人民幣完全取代港元。他表示,對何種方向未有傾向,希望業界研究討論。
- See more at: http://news.memehk.com/posts/%E7%8E%8B%E5%86%AC%E5%8B%9D%EF%BC%9A%E7%A0%94%E7%A9%B6%E4%BA%BA%E6%B0%91%E5%B9%A3%E5%85%A8%E9%9D%A2%E5%8F%96%E4%BB%A3%E6%B8%AF%E5%85%83#sthash.oUQOoELM.dpuf

中共喺咩時候會用人民幣取代港元呢?除咗《基本法》講明一國兩制會喺二零四七年終止而港元會廢除之外,中共亦會睇實際需要同取消港元嘅後果,衡量利害之後先致會行動,所以,小市民亦要花啲時間猜吓用人民幣取代港元對中共嘅利弊,從而估計你副以港元計價同儲存嘅身家有幾耐命,只有牛馬先會識做嘢唔識死。

先講吓取消港元嘅後果

一、香港嘅發鈔權取消,你只能用中共印嘅人民幣,你亦無從得知中共印咗幾多人民幣,而以印鈔搶劫民間資產已經成為中共慣常嘅做法,高通貨膨脹係必然結局。

二、香港利率由中共操縱,唔再由銀行公會因應香港實際需要而決定。即係香港嘅實際經濟需要唔可以透過以調節利率作貨幣政策上嘅操作應對,要香港嘅經濟需要遷就中國甚至只係中共嘅經濟需要,實際上係收縮香港嘅自治權。

三、港元嘅支柱係外匯基金,理論上港元只係美元喺香港嘅代用幣,就好似賭場嘅籌碼、遊樂場嘅代用幣一樣。取消港元之後,外匯基金就唔使再支撐港元,可以作其他方面嘅投資,例如:好穩健又回報高「中國國債」。 

四、你以畢生精力買嘅嗰層樓唔再以港元計價,而係以人民幣計價,你終於可以分享到做一個中國人嘅光榮,我真係恭喜你呀﹗﹗

五、如果人民幣因發行過多而下跌,由於香港大部份消費品尤其係食物靠外國進口,所以會瘋狂加價,到時有錢人先可以食進口食品、用外國貨,窮鬼包括沾沾自喜嘅中產只能好似大部份新中國人一樣食中國嘢用中國嘢,你又一次分享到做一個中國人嘅光榮,我真係恭喜你呀﹗﹗

講住呢五點先,已經夠晒驚嚇,如果你諗到其他,歡迎補充。

再講吓取消港元對中共嘅利害

一、上邊講過,只要取消港元,就可以將香港致於死地。既收咗你嘅財權,亦呃晒你啲外匯基金。香港之所以可以有「一國兩制」,係因為香港喺九七前有錢,又有洋人撐腰,點都要畀返幾分薄面;只要搞到你窮,甚至搞到你靠佢開飯,你就自己跪低,所有之前講嘅嘢可以唔算數,亦唔使再喺你面前做戲。呢個係中央政府消滅地方勢力嘅慣用法,萬試萬靈,就算係以前有東方巴黎之稱嘅上海,一樣係一夜熄燈,從此喺文明世界裏面消聲匿跡。如果香港繼續有錢,而中國經濟又走下坡,咁「分裂勢力」一定會更加「猖狂」。「消滅於萌芽狀態」係「維穩」最低成本做法,點會唔做?

二、當然,中共同埋佢地啲狗官都有好多資產喺香港,佢哋完全意識到資產以港元計價即係以外幣囤積咗資產,非常安全。取消港元,就少咗一個國外嘅避風塘;所以,好有理由相信,佢哋會將手頭上嘅資產向香港嘅銀行抵押套取港元再換成外幣調走之後先會推行以人民幣取代港元嘅政策。王冬勝話:「中央有意在2020年前將上海打造為國際金融中心,因此可視2020年為人民幣自由兌換的指標。他認為,現在是適合時間去討論港元的定位問題。」[4]時間亦與《動向》雜誌所講嘅吻合。即係如無意外,中共會喺三年之內完成呢類資產轉移。

除上述兩點之外,當然會有其他考慮,但係講兩點已經夠驚心動魄。

小市民點樣喺取消港元政策之下自保



一、唔好買樓。不動產係長線投資,香港已經冇任何長線投資嘅價值。發展商越係用盡旁門左道急於賣樓套現,我越係聞到陣陣燶味,聞到燶味嘅唯一自救方法係立即走人,而唔係買嘢。當情況緊急,再賣樓套現好困難,就算有人買,都一定畀人殺價。

二、得閑就換定美金現鈔,唔好後知後覺見到銀行大排長龍先致換,太遲。喺中國嘅情況係限你每年換五萬,而且銀行職員通常話冇現鈔,要約期。唔好以為開美元或其他外幣戶口就好安全,緊急關頭你未必攞得返啲錢,親生仔不如近身錢,我講嘅係換美元現鈔,係現鈔﹗現鈔﹗現鈔﹗﹗

三、平時支出用八達通搭信用卡,唔好保留太多港元,亦唔好留太多錢喺銀行戶口,只要出糧後期期找清卡數就冇問題,保持你爭銀行錢而唔係銀行爭你錢嘅良好習慣。



四、除咗美金之外,金銀都係唔錯嘅選擇,我講嘅當然唔係強國出嘅熊貓金幣或唔知乜紀念幣啦,而係英美澳加等國出嗰啲。


 

五、準備好護照,最好係外國護照。BNO係英國護照,只係一種冇居英權嘅二等公民英國護照,全世界咗「偽中華人民共和國」之外,其他國家都承認。次等選擇只能夠攞「香港特區」護照,呢本係中國護照,全世界都會視持有人為中國人,務必注意。護照有咩用?就係如果你有一日不幸要做難民話,外國政府要識別你嘅身份,唯一憑據就係護照,所以唔好再相信「護照只係旅行證件」呢啲邪說。又如果你去嘅國家要遣返難民嘅話,持BNO者只能遣返英國,持「香港特區」護照者就只能遣返「中國香港」。你要多謝邊個好呢?當然係九七淪陷前支持「民主回歸」嘅司徒匪華同支教民啦。願司徒匪華永墜地獄﹗願支教民全體仝人都落地獄﹗ 







 http://politicalgirlriot.blogspot.hk/

21 則留言:

simon740@ymail.com 說...

難怪之前新聞重提再申請BNO,老既走唔到, 係時候諗將的細路送走!

KOA 說...

篇文講到中共要消滅港幣目的就係要搶奪香港財富及收窄香港自治權,我不太認同上述觀點。我覺得港幣存在價值在於補人民幣之不足,人民幣一天未成為世界流通強幣,港幣仍有存在價值。

Unknown 說...

想沒收港人房產話咁容易,只要在差餉或續約地租時做手腳便可以,用不著取消港元,到時攞番大部分資產是人民幣計價,有鬼用.

Colm Lam 說...

揸美元現鈔,幾多叫足夠?
美元是可自由兑换的濫發貨幣,人民是不可自由兑换的濫發貨幣。

simon740@ymail.com 說...

美元各國都開始棄用,沙地都唔全用佢來計價石油,美國長債世界各國都開始拋售無人買,而家美國只能出售1年期上下既國債, 美元好快玩完,仲換美元?
用人民幣其實都唔係問題,照對翻咪得囉!唔好學印度,一星期要換哂,咁就真係亂啦!
而家好多人都唔睇好前境,畢業大學生好多都去左台灣,韓國,日本發展,因佢地樓價平,同老年人口多,需要外來移民攪活經濟,地多到任人發展,用香港樓價錢,可以住三層獨立屋,之後重可以發展個人事業,香港比的地產同政府班人玩死!香港人都樂意送的仔女去果邊讀書,落地生根啦

honson 說...

香港己經唔再有優勢

平行宇宙 說...

一样是黄金!!中国的熊猫金币和澳美加的金币也有分别? 难道澳美加的黄金比较纯吗?收熊猫金币有差别?

helmut 說...

終極垃圾的觀點

helmut 說...

http://www.wenxuecity.com/news/2017/03/27/6129901.html

helmut 說...

人民币“脱钩”美元:新国际货币体系的开始 (图)

helmut 說...

文章簡直是 害人不淺

helmut 說...

中國正在說:溫鐵軍《人民幣背後的玄機https://youtu.be/K-q7GvipRSI

Jackcal 說...

敗筆之處,就是建議兌美元,由一個貶值濫發的貨幣,兌去另一個更貶值濫發的貨幣,整個貨幣系統就是面臨崩潰,人們才蜂擁而至的買樓及走資,除了被動的購買實物貴金屬這一門悲觀的投資方法,以及裝備知識及技能在自己以外,任何投資在這災難前,都是異常冒險的賭博。至於文中提及白3護照論,我也認同其觀點。

Colm Lam 說...

個人認為美元比人民幣優勝,换一點美鈔旁身,買一點金銀(財富10~20%)其實都是穩健。

Colm Lam 說...

個人認為美元比人民幣優勝,换一點美鈔旁身,買一點金銀(財富10~20%)其實都是穩健。

bssteven 說...

典型嘩眾取寵垃圾文章,共產黨要搶你野會比日子你走路?連果條盲炳都知,牛頭角順嫂都知啦。

kwokjerome 說...

人民幣能否替代港元最根本性質問題就係人民幣能否自由兌換,假如真的可以自由兌換,只要改變港幣同美金掛鈎嘰結構己經可以達成回收港元以及港元資產目的,明眼人都知呢個係無可能。不過假如人民幣真的不可能自由兌換,用人民幣取代港元亦是一個笑話,因為無人會接受無得用嘰鈔票,你要用人民幣去頂替港元自然要回應匯管同定價兩個問題,假如全都不給予回應就如同日本皇軍沒收資同濫發軍票一樣。只係想收取你手中的外匯而已,而香港上市公司大多數同世界各國有不同利益關係,中共夠膽咁做就等於同全世界開戰。

講人民幣代替港幣,不如講人民幣幾時開放同自由兌換仲好。

honson 說...


三年後的今天,誰能預測現在香港的情況,至於聯繫匯率的問題,相信很快就有定案

Gordon 說...

很快便可能有BNO平權,成為英國永久居民的途徑,呢點在半年前都難以估計到。

Unknown 說...

先唔講真假(何況二手市場勁多假嘢),剩係擘大把死人口話限量,點知出多咗就仆街啦😏😏😏

Robert McCain 說...

如果您认为您的配偶在作弊,并且您需要聘请真正的黑客来远程监控/黑客他们的电话,恢复被盗的比特币/任何其他加密货币或在保证隐私的情况下入侵数据库,请联系easybinarysolutions@gmail.com或whatsapp: +1 3478577580,他们高效而机密。