首先，一個投資者買黄金，唔表示佢唔可以同時買股票，買樓，甚至買郵票，買紅酒或其它資產。其實只要買到D會升值嘅資產就得啦。但我重注買黄 金係因為如果出現貨幣危機，佢將會升得最多！但中外坊間一直有一班非常敵視黄金嘅人，一聽到黄金就好似見到毒藥咁。黄金嘅價格過去十年連連都升，一年都未 跌過 (冇錯，就算係2008年遇上金融海嘯，你年頭買咗年尾賣番出去都有錢賺)，但仍然有咁大班人敵視黄金。面對金價升足十年未跌過嘅事實(記住，係一個事 實)，真係有人會豎起隻手指念 "我睇佢唔到，我睇佢唔到！" 真係千古奇聞！！！
咁我當然好歡迎哩D反黄金嘅言論啦。因為我由此可知黄金牛市有排未完，每次大調整都係加碼嘅時機。
重要一提，我深信只要係好嘢，話之係乜，買得平又肯坐貨，長綫就實賺到錢。相反，過去十年如果響金市買出買入，唔肯坐定定，一樣會輸錢收場，或者只係賺得蠅頭小利。每個人都要為自己投資决定負責，同枱食飯，各自修行。
問題一: 點解要買黄金？
答案；如果個問題係十年前問嘅，答案可以係黄金以經跌咗好多，或者係市場開始對無錨貨幣失去信心(即所謂貨幣危機)等等。上網揾關於哩個題目嘅嘢有排睇。
順帶一提，要抗衡通脹唔一定要買黄金，大原則係只要買D供應增長低於貨幣供應增長嘅資產就得。買樓買股都可以抗通脹，黄金響高通脹環境下嘅升值力一 定唔會跑輸比其它資產，但唔一定跑贏好多。但係萬一貨幣危機出現，咁黄金就一定跑贏九條街。咁貨幣危機會唔會出現呢？無謂扮先知因為冇人知。但只要有通脹，就算冇貨幣危機，黄金都唔會跑輸。但萬一真係有貨幣危機，黄金就一定跑贏。冇機會跑輸，但有機會跑贏，條數好易計啫，點解唔買黄金呢？不過十年過後嘅今日問番相同嘅問題，雖然以上嘅答案都仍然啱，但有一個答案就簡單直接好多：因為黄金依家係處於一個牛市！
Question two: Why do you think gold is in a bull market?
Answer: Don't think, LOOK!!!
一幅圖勝過千言萬語。有邊樣資產嘅價格過去十年連連升，升足十年，一年都未跌過嘅? 黄金唔只係牛市，直情係超級大牛市！
問題三： 咁牛市都有完嘅一日，咁我又點知黄金依家唔係到咗頂呢?
答案；牛市到頂，必須有大量投資者參與，成為一種全民運動 (諗吓2000年嘅internt bubble就知何謂全民運動)。雖然報紙三日唔埋兩日就講吓D金價，但反黄金嘅言論都唔少啝。問吓自己，你身邊又有幾多人買咗黄金(或貴金屬)嚟投資呢? 答案好大可能係冇，最多一個起兩個止，但係絕冇可能係多於三個！莫講話散户，機構投資者都買得唔多啦！都唔夠多人玩，咁點爆呀！
沒有留言:
發佈留言