金市看好情緒爆發

石林
市場看好黃金的情緒進一步加強，上周金價在1216.3元（美元．下同）的基礎上反复漲升到1280.7元，為13個月來的高位，最後回順到1259.1元收市，但仍比前週報升38.1元或3.11%。
銀市在周初曾低試14.61元關鍵支持水平，後作絕地反擊且跟隨金市回升，週末以15.505元收市，比前週報升0.835元或5.69%。然而，週內最高價15.79元仍較上月的最高位15.99元為低。
金市好情緒由加強到爆發，體現於上週五的市況。該日在金價升到1275元時，聞美國上月非農業新職位增幅勝預期，金價即明顯反復回跌至1250元，但其後以每周平均工時略低過預期為藉口，炒作聯儲局將延緩加息步伐，金價被炒至1280元，竟高於數據公佈前的價位水平。
上述情緒在過去兩個月已在滋長，反映西方投資者對黃金情緒的SPDR持金量從低谷迅速回增。去年12月中旬該持金量曾降至630.19噸，直到上週四回增至793.33噸。期內增加163.16噸或增幅25.89%，令人矚目。
銀價未脫熊勢短期已見頂
西方投資者對黃金的情緒有變，頗大程度是鑑於今年全球經濟前景不甚樂觀、金融市場動盪，資金需尋求避險之故。到最近，美元匯價再度疲軟，並預期美國加息步伐會放緩，且估計歐洲央行和中國央行將採取更多刺激措施。又逢近期商品價格有所回穩，於是市場看好黃金情緒出現一個爆發高潮。
此外，金市走勢技術圖表轉好也是一個鼓舞因素。就近期而言，金價出現一個急升後的整固三角形，當金價升越該形態的上阻力1253元，再掀起一個新升浪是自然的事。
若論中長線走勢，金價自2013年8月起形成一個大型下降信道，四周前在線性圖表上該信道的下降軌已被升越，但在對數圖表上仍受制於該下降軌，不過，到上週該軌曾被升越，只是收市價縮回到該軌下，此可說明金市有愈來愈多的技術向上突破跡象。
然而，其他因素尚未左證金市可重現牛市。首先銀價至今仍未能升越相應的兩年半下降軌，市勢仍處於熊控制的局面。其次商品價格最近雖回穩，但不能說出現新升市。經濟因素也未見有質的改變，美國10年期債券的價格最近重陷弱勢，其與2年期債券的息差繼續收窄。過去一段頗長時間金價跟隨上述兩數據下滑而下跌，最近才先後出現反其道而行的行情。理論上此情況不致維持太久，除非前兩項數據也回復向好，但目前未見有此傾向。
關於美國加息步伐的問題，延緩確有可能，但掉頭變成實施負利率則難以想像。即使是上週五，美10年期債券孳息率仍在爬升，收市價為1.88厘，比上月低點1.63厘高出頗多。
至於金市短期走勢，上週五的極大成交或意味暫時見頂，RSI在高位呈背馳亦意味調整會到來。故估計短期高位在1283元附近。目前回升阻力在1275元；而支持則在1250元及1232元。金價低於1220元市勢才會轉弱。
銀市上週五未能重試上月高點，該日的極大成交亦意味短期見頂。諒短期高位在16元附近，目前回升阻力在15.7元；而支持在15.3元。銀價若低於14.9元市勢則再轉弱。
目前金礦股看好百分比指數高達72.41，且金銀兩市的生產商淨沽量達致頗高水平，皆意味倉位結構及市勢處於不穩定狀態。

金手指：一注續買白銀

金手指 - 孫柏文 2016年3月8日  


 

■白銀同黃金，兩者都係神賜給世人嘅貨幣。幾千年來嘅購買力，都係穩定、可信。　資料圖片 

上周二，孫柏文應承過今周向所有白銀戰隊成員講我對白銀睇法。原因係啱啱嘅星期日，就係我叫大家「一注獨贏買白銀」十年到期日。如你買咗實貨白銀，係白銀戰隊成員，你應會問是否繼續揸住。 



首先當年我叫大家買白銀一個好主要原因，因白銀同黃金都係神賜給世人嘅貨幣，幾千年來嘅購買力都穩定可信，而人類歷史以來，所有人造貨幣最終都係零。 

2016年所有貨幣都已進入瘋狂狀態。2009年各大央行將貨幣利息踢到落零厘，已係史無前例。除咗零息，仲有常見嘅印銀紙，即啲學者跟住啲央行叫嘅「量寬」。 

兩者雖然令白銀喺2011年升到每盎斯50美元，不過之後全球因繼續過份投資，令商品價格反而通縮。個步驟就係零息令好多只要攞番本嘅投資都有人做，所以繼續有人全球咁起鬼城。甚至原材料（例如銅）可做抵押品，借幾次錢，所以令好多地方大開特開新礦、新油田。 

原來最終需求係人為谷出來，當價一冧，就無自然需求接。啲礦公司個個都借咗好多錢，要還息時，低賤嘅價錢都要繼續生產，令商品跌凸。問題去到呢個位，央行技窮，歐央行、日本相繼出負利率。 

如20世紀最害世人嘅係馬克思，咁21世紀最害人嘅必定係凱恩斯。負利率就如向儲錢嘅人收稅。我問啲忠實fans中實力最雄厚的師奶們：「如銀行存錢要收息咁點？」佢哋異口同聲：「咪提款擺保險箱！」對師奶來講，去銀行櫃枱同去銀行保險箱攞錢功能一樣，但對銀行來講就係擠提！所以世界各地都有聲音話要禁紙幣，迫你擺番啲錢喺佢哋能抽稅嘅戶口中。佢哋輕則學大陸用盡方法令你冇得攞走，甚至會宣佈喺某日前要存款，之後某面額嘅鈔票同日本軍票一樣，作廢。 

到時世人唔想被抽稅，又唔想手頭上隨時攞得走嘅流動資產作廢，就要搵地方躲藏。係乜？咪就係黃金同白銀囉！咁點解白銀好過黃金？下周繼續。 

孫柏文 

http://facebook.com/shuen 
本欄逢周二刊出   
孫柏文 

來源 source: http://hk.apple.nextmedia.com

利字當頭：大炒家懲股場老千

利字當頭 - 利世民 2016年3月8日  


 

■李小加作為港交所總裁，就好似賭場話事人，最緊要令賭注有增長。　資料圖片 

李小加最新言論，又吹縐了一池春水。話說，他在堅持推第三板的時候，像吞下了「誠實豆沙包」一樣，承認股市上有「老千股」。 

賭徒：「我竟然有少少鍾意咗佢。」最愛在刀口上搵食的賭徒這樣說。師

爺：「你估個個都學得你一樣當股場係賭場？好多公公婆婆家陣買股票當存款。如佢哋買咗妖股，之後日日去港交所、證監抗議，你代老闆出去接信？」 

賭徒：「十賭九騙，願賭服輸。邊個叫你哋師爺講到只要做足功課，就一定贏錢，抵你哋俾人鬧。當年，雷曼個招牌夠大啦啩？跌落嚟咪搞到成條皇後大道中都係示威者囉。」師爺：「納稅人出糧畀我哋，唔做啲嘢點得呀？」 

賭徒：「你知唔知我同你最大分別係乜？就係我知道投機有風險，亦冇可能逃避，你哋就雖然好驚風險，但又唔明白咩叫風險，所以好天真以為可減低風險。李小加作為交易所總裁，其實只係賭場話事人，最緊要令賭注有增長，至於閣下輸贏，貴客自理；甚至乎，場內放數活動，佢都只會隻眼開隻眼閉。」 

師爺：「搞到成個場都係老千搵食，邊有散客幫襯？最後咪又係死路一條？」賭徒：「散客值幾多錢？至於打擊老千，你真係識條鐵？一日都係你哋搞到咁難沽空，先至會做到隻隻殼都敲落有迴音！夠膽，咪放寬沽空囉！只要沽空成本合理，我肯定有國際級對沖基金入來，教訓妖股。不過，我睇死你哋唔會。唔信？賭幾多吖？」