羅傑斯為女人來港

■中間這位，就係羅傑斯(左)口中的迷人靚女陳淼紅。 

「商品大王」羅傑斯為一個女人閃電來港？！羅傑斯近年新加坡定居，噚日竟然專登來港，為一間專賣熊貓金銀幣「民生錢幣」主持開張儀式。無他，羅傑斯同民生錢幣話事人陳淼紅有十年情囉，不過就只係交情。

見到靚女即幫襯 

羅傑斯笑言，十年前?上海一個錢幣交易場識到一位靚女，佢又靚又有活力，好快被佢迷住，仲忍唔住即刻買?個熊貓金幣，呢位靚女就係陳淼紅，兩人之後就成為朋友。現場見佢稱呼對方為班長，原來佢認為陳淼紅?錢幣銷售呢方面好似captain咁勁，所以咁稱呼佢。

當知道民生噚日搬新舖，羅傑斯二話不說由新加坡飛來港撐場，認真夠義氣。羅傑斯仲要係來去匆匆，前晚到?，今朝晨早就飛去美國做演講。為趕及中午出席開幕禮，佢仲一改每朝做gym習慣，可想而知陳淼紅幾有面。



■呢盒價值2,500蚊?銀條紀念品，華華影相留念當收?算喇。



民生錢幣好闊佬
雖然叫做民生錢幣，但係呢間舖同民生銀行(1988)冇關係，2009年佐敦開業，家陣搬去黃竹坑，主要賣熊貓金銀幣，客人要預約先可以上門。

賣得金銀幣，佢?送紀念品都好大手筆，噚日送每位賓客一盒5條香港風光銀條，盛惠2,500大元，全部有羅傑斯簽名。咁厚禮，華華當然冇收，影相算數了。