唔怕你精...只怕你唔來.....
中環的迷債苦主還在追討中....
iBank 故技重施.....
年紀較輕之80後經紀，對成交越來越少的市場，已有點意興闌珊，深知股票經紀這一行已成夕陽行業，心急謀出路好正常，美少女股評人搭上公仔箱財經節目男主播，也屬增值之途，既可爭取曝光，更可順便為人生大事鋪路，堪稱一石二鳥。筆者幾時都話，趁年輕沒有甚麼包袱時努力增值，係提升個人競爭力以突破困局的最理想投資。
為前途發愁的又何只經紀，連iBanker也不例外，有位剛由大摩跳槽至瑞士糖之私人銀行家，本慶幸自己及時轉工，皆因前者已講明今年B仔得個「冬甩」，即係零花紅，但有誰知道瑞士糖又會好幾多，皆因近期已公佈之第三季業績，大多表面風光。
最新傳聞，有歐資私人銀行可能因為窮途末路而被迫故技重施，竟然再向高端客戶兜售經過包裝而成的高息債券投資產品，話說有ex-iBanker即係退役投資銀行家，先問客戶經理攞張term sheet來參詳參詳始再作決定，誰知唔睇尤自可，睇真嚇到儍。
投行做中介人再推迷債
所謂「高息債券」，性質原來疑似以特別目標工具SPV包裝風險的CDO，即係抵押債務證券，原來投行只係高息借款方──某內地房企與貸款方──即CDO買家的中介人，還在中間賺傭兼過河濕腳食幾厘息，簡而言之，即係迷債。
雖然SPV歸屬投行旗下，但曾幾何時，英資銀行於上一輪金融海嘯水深火熱之際，索性把自己旗下SPV壯士斷臂，至今仍歷歷在目，聽聞有退役iBanker一見張term sheet，就鬧了該客戶經理一餐，罵該投行不知悔改唔知死。
有朋友平時以FX、Trade、Option等合約為bread n butter的投行工作，慶幸自己間行平時非主力搞IPO及M&A，起碼今年B仔就算不及去年，也叫有得分，員工也不需鋌而走險。
胡孟青
作者為獨立股評人
沒有留言:
發佈留言