金融暗物質

2012年10月3日
美國QE(量化寬鬆)，大家高興，好似香港股市都靠佢死而復生。但放假期間和中環茶友聚會時，大家吹水提到，美國開動龐大機器狂印銀紙，就如宇宙的暗物質(dark matter)，它力量巨大，又不可監測，最適合做科幻劇本的主角，是黑暗破壞力的來源。

大 家吹吹吓講到一個後生仔買樓的故事，佢係金融界青年才俊，年收入幾「球」(數百萬)，一直租樓住，近年業主加租速度加快，佢就去搵吓樓買，但不問還可，一 問就嚇親，西環舊樓，600幾呎，有類似呎數平台，叫做特色單位，叫價過萬元一呎，而且仲係連租約，無樓睇，經紀只是帶他到附近單位「裝」吓目標單位情 況。呢個盤唔誇，最誇的一個盤在跑馬地，635呎連接近呎數天台，四樓無電梯，可知是幾十年樓，竟然開價1700萬，經紀還說罕有放盤，叫金融財俊有買趁 手。

青年才俊睇完樓輕歎，以佢賺幾球一年，住屋要求不高，竟然買不到可接受單位，唯有繼續租樓就算，佢怕1700萬買咗間樓，5年後樓價大插，間樓400萬都唔值。

青年才俊有兄弟想在加拿大多倫多買樓，情況都一樣，幾年前400、500萬港紙可以買到一間屋仔，而家只能買一個600呎單位，雖然平過香港，以多倫多水平，都已經貴得驚人。香港特區政府搞樓市雖然屎，但樓價高升都係一個全球化現象。

美 國聯儲局大印銀紙，而家每個月印400億美元買按揭證券，仍被人指唔夠多，但400億美金係乜嘢概念，即係每月用3000美元人工連福利請一個人做工，都 足夠請1300萬人，可以把美國失業人口完全請晒去打工，若果聯儲局把「無限QE」變成「無限請人打工」，美國失業率馬上可以變成零，佢放水數量之大，可 想而知。

扭曲價值 後果恐怖
美國咁放水法，將價值扭曲，後果十分恐怖。香港樓價升，關佢事，因為銀紙多唔值錢，全世界資金都在追求磚頭保值，唔止香港樓升，環球大城的樓價都在升。香港租金貴，關佢事，因為銀紙升得多觸發通脹預期，業主就不斷加租補數，一樣加，百樣加。

銀紙多本來股市要升，但香港股市唔升內地股市跌，亦關佢事，因為中國在2009年回應美國跌市，出四萬億救市，搞出大通脹，之後唔敢再大放水喉，對股市購成極大壓力，令到今年金融海嘯風眼區的希臘股市，升幅仲大過中國股市，你話奇唔奇？

如 果信價值投資，貴的東西不但不買，還要賣，你近年一定不會買樓，結果會好揼心。樓價不斷升，租金雖升，仍然追不上樓價，令買樓的租金收益不斷下跌，好似上 述講的635呎跑馬地連天台單位，當佢收2萬元租，租金收益只有1.4厘收益，唔計利息成本，買呢個單位以單式計都要71年才回本，計埋利息隨時要過 100年，恐怕買咗佢都無咁長命等到回本，買佢條數真係唔知點計。不過你都可以駁我，話1700萬買入，如果過兩年升到1900萬，沽佢咪賺咗200萬 囉，咁就係細傻搵大傻的炒作遊戲。

貴者愈貴 平者愈平
按價值投資法，唔敢買貴樓賺唔到錢，走去買平股，隨時輸埋錢。今年 內地A股反覆向下，國企股無運行，你買咗叫苦連天，出現貴者愈貴，平者愈平的異象。講到呢度你可能會問，咁美國會唔會一直印銀紙，一路發放金融暗物質，直 到永遠？ 若然係咁，佢扭曲價值的情況咪一直會維持囉？本地樓價長升不跌囉？

美國長期印銀紙，並非無可能，日本就係經濟低迷咗20幾 年，亦係接近零息20幾年，如果美國經濟好似日本咁一沉不起，咪會長期低息，長期大印銀紙囉。當然另一個極端係搞搞吓搞番好經濟，開始要加番息停印銀紙。 第三個可能是雖然搞極經濟都唔係幾掂，但通脹升番上去，被迫要加息。

唔好問我估會點，呢啲百年一遇的局面，話畀你聽一定知係佢點都係厄 你。不過我可以話畀你聽我自己的投資策略，第一作為投資，一定唔買貴貨，1700萬買635呎單位，揸支槍指住我個頭都唔會買，怕買咗幾年後會好後悔。第 二作為長線投資，股票平會買，若買入公司生意無大問題，有息派，股價跌都照揸，認為揸兩三年會有得着。第三作為中線投資/投機，隨着股市波浪周期增持或減 持股份。

中國經濟 9月見底
第一、二點好易理解，第三點要作說明。以過去兩年計，恒指由2011年4月開始下跌，跌咗6 個月到9月見底，由10月開始，再升5個月到今年2月底見頂，跌3個月到5月底見底，反覆升咗5個月到現在。拉闊一點時間段看，港股係一段段地橫行上落， 每次上落幅度約3000點，在歐債危機和經濟衰退時跌，在美國聯儲局和歐洲央行干預後回升，即係話跌3000點揸，升3000點走，可以食到波幅，如今這 一段的高位是去年2月底的21680點。即係話若內地經濟和資金供應無突破，港股走到21680點附近的的阻力會大增，未必能夠衝破。

至於中國經濟會否見底，人言人殊，我傾向相信內地經濟在第3季見底，由10月開始反彈，反映中央的救市措施開始見效，中國經濟會反彈三個季度到明年上半年，但若歐美經濟明年無力真正回升，中國經濟在明年下半年又有下行壓力。

陸羽仁